Page 20 - KPA

A7
regionAl Diabierna 17 Maart 2017

Muhe a sobrevivi un avalancha na Peru

PERU (BioBio).- Un muhe di 32 aña a sobrevivi un avalancha di lodo cu a lastr’e hunto cu baca y otro bestia. Esaki a bira un simbolo
di e drama cu Peru ta bibando awor, pa e yobida fuerte cu a laga un saldo di 62 hende morto desde cu el a cuminsa e aña aki.

Evangelina Chamorro Díaz a manece na hospital publico Ma-
ria Auxiliadora y cu hopi imagen den varios corant di Peru
tocante su momento tragico, ora cu e tabata purba di sali for
di e lodo.

“E no tin fractura, ni hemoragia paden. E tin lesion riba su
curpa, golpi y trauma psicologico, solamente pa motibo di su
experiencia hopi traumatico. E persona a lanta cu bon estado
di salud,” asina personal di hospital a bisa den un comunicado
cu a ser publica pa diario El Comercio.

“E ta un tiki bruha ainda, pero ta hopi bon y lo mehora lihe
pasobra e ta un guerero y danki Dios e no tin nada grave,”
Patricia García, minister di Salud di Peru a bisa.

E drama di e muhe aki ta grave pasobra e derrumbe a lastra
e persona via un rooi seco pa mas di 50 meter, na distrito di
Punta Hermosa, cu ta hopi bishita pa surfista, y ta situa na 45
kilometer na sur di Lima. E sucedido cu e muhe a ser graba pa
un testigo diaranson atardi.
Video ta viral
E video ta recoge e momento cu e muhe tabata gara na un
palo y asina a purba di no hoga meymey di awa color maron,
caminda tabata dificil pa detecta e muhe. Hopi grito pidiendo
ayudo y auxilio, pero ningun hende a logra drenta den e ava-
lancha y asina salba e muhe. El a logra sali ora cu el a yega na
oriya y a ser rescata pa varios hende civil.

E muhe tabata den su cas, cu su casa y su yiunan, ora cu un
masa di awa y lodo a bin for di cordiyera y a move tur cos te
lama, lastrando tur cos den su caminda, manera baca, porco
y cura completo. Su famia a keda sin ningun daño pero algun
baca y porco a bay bibo den lama.

Esaki sigur tabata un imagen surrealista.