Page 12 - AM231228

12 SUCESO AWEMainta Diahuebs, 28 December 2023

Hopi daño material causa pa chauffeur hoben burachi

riba di dos dia di Pasco algo prome cu 12’or
Ay mey di marduga, guardianan di hotel ta
wordo sorprendi pa un zonido duro.

Momento cu nan a bay mira kico tawata pasando
a resulta cu un auto a pasa door di e tubonan,
patras di e hotel y bay termina contra un palo di

luz. Visiblemente nan por a ripara cu e chauffeur
ta burachi; mientras e otro ocupantenan a piki
nan cosnan y bandona e sitio den un otro auto.

Tawata trata di un auto Acura. E chauffeur cu ta
un hoben a keda atras, y lo a cuminsa cay bay
tambe di sitio. Algun rato despues e lo a cana bin
bek, y ey ta unda nan detene.

Pues locual a sosode ta cu e chauffeur aki
coriendo auto burachi a kita bay na su man
robes, rancando e baranan memey caminda y

caba ta dal contra un palo di luz. Di mes manera
e por a alcansa un persona eynan, si e esaki
tawata canando. Cu transportwagen e la wordo
hiba warda di polis.

Aruba tin un problema hopi serio mes di alcohol,
unda cu ni maske cuanto conscientisacion,
chauffeurnan ta keda bebe y stuur auto toch y si

nan por bandona e sitio di accidente nan ta haci
tambe.