Page 25 - KPA 31 JULY 2015

DIABIERNA 31 JULI 2015 DIARIO PAGINA 9

Cada persona
cu tin joyanan
valioso mester sa

con pa
sigura nan!

ORANJESTAD (AAN) –
Hopi ta wordo comenta e
dianan aki tocante e peligro
cu tin na Aruba tambe, pa
hende bisti prendanan di
oro y luci nan riba caminda,
pasobra nan por wordo ranca
pa ladron.
Ta conoci cu e peligro aki
ta existi na tur caminda di
mundo y Aruba no ta keda
atras, pasobra nos dushi isla
chikito no ta e mesun Aruba
di antes mas.
Joyanan valioso, cu ta nifica
un capital, cu a wordo cumpra
poco poco cu sudor di hende
su frenta, of cu a wordo
hereda di famia, mihor cos
ta warda nan den un locket
di seguridad na banco. Luci
nan solamente den un fiesta
grandi, cu kita y warda
mesora cu e fiesta caba pa no
pone nan dilanti bista di esnan
golos pa propiedad di otro.
Den cas tampoco por warda
nada di balor mas. Hopi
hende ta cana den barionan
wak paden di diferente cas
di famia, y tur cos cu ta luci
bon y bunita, no solamente
joya pero un aparato di tv,
un radio, etc., por ta capta
atencion di esnan cu menos
bon intencion. Awendia, no
por tene porta di pafo habri
sin mas, ni cuanto calor nos
sinti si nos ta paden na porta
cera.
Y pa mas tristo cu por
parce, no ta solamente cierto
hendenan cu ta bin di afo
(sin generaliza) por a drenta
Aruba cu mal intencion, pero
tambe cada pais tin su propio
delincuencia, y mas esun cu
por bin di afo, ta pone nos
comunidad den un situacion
di alerta, y si cada famia
busca su mes manera di
seguridad, por tin mas chens
pa nan propiedadnan ta safe.