Page 5 - KPA
P. 5
Bastante ilegal deteni durante
inval na un cas diabierna mainta
21 July, 2017
0
Diabierna mainta, a tene un inval na Uruguastraat number 4, a base di un
informacion cu a yega na e onderzoeksteam di UGC (Crimen Organiza).
Arrestatie team a wordu usa pa drenta. Ta trata di un cas cu ta full geschot y
p’afo tin 4 appartamento. Den e luga aki AT a bin haya diferente hende homber
y muhe. Nada di mucha.
En total a bin haya 49 hende, cualnan a wordo aresta. Di e 49 personana aki,
47 ta ilegal. Tur ta di nacionalidad Venezolano. No a haya nada di arma of
articulonan horta.
Riba un di nan polis a bin haya un tiki marihuana.
E luga ta sushi, y no ta adecuado pa acomoda tanto hende asina creando un
situacion di bida inhumano pa esnan envolvi.
Tur e hende nan aki a wordo transporta pa Corte di Husticia y despues di a ser
atendi a wordo pasa pa Warda Nos Costa pa verdere afhandeling.
Na e accion a wordu usa personal di diferente departamento, e.o. UGC (Crimen
Organiza), TBP (Atraco), WI (Woninginbraak), Flexi Team, K9 y CEA. Presente
tambe tabata t’ey presente Fiscal (Officier van Justitie) y Hues Comisario (RC)
pa haci inval.
