Page 13 - KPA

Accidente serio ariba crusada di Caya Ritmo y

Danza, motociclista a bay pega den windshield

1 min ago 0 0 Views
Caya Ritmo – Danza
Diaranson merdia algo prome cu 12:30 varios yamada tawata drenta tanto na 911 y polis pa un accidente
hopi serio, ariba Caya Ritmo.
Prome informacionnan tawata bisa cu nan rotonde di Sasaki, lo tin un accidente serio entre brommer cu
auto.
Patruya di polis cu a yega e area, no a bin haya nada. Pero di despues di busca un rato a bin topa cu un
accidente basta serio, ariba Caya Ritmo cu e crusada di Danza.
E scenario uno basta fastioso, caminda un motociclista tawata hinca den e windshield y tawata
seriamente herida.
Brandweer y ambulance a presenta na e sitio pa asina nan cuminsa saca e victima poco poco di e
situacion cu e tawata den.
Loke nos a compronde na e sitio ta cu e Lexus suv, lo a yega drenta e caya y pa mala suerte ta topa cu
un brommer cu tambe tawata yegando e crusada pa bay subi Caya Ritmo.
Despues di a logra bahe for di ariba e auto nan ta transporte cu urgencia pa hospitaal. Segun nos tin
entendi, aparentemente ambos pia a wordo fractura.
Slachtofferhulp a ser pidi na e sitio tambe, pa atende cu e chauffeur di e Lexus v-car.