Page 6 - KPA

A KITA CANTIDAD DI MARIHUANA Y

COCAINA FOR DI RIBA MERCADO “FLEX-

TEAM” DI POLIS TA SIGUI ACTIVO CU

PATRUYANAN SPECIFICO

July 13, 2017 Admin Uncategorized Leave a comment

A detene dos sospechoso, un pa droga y otro busca pa husticia

ORANJESTAD, Aruba: Durante e siman entre 5 pa 11 di juni ultimo, e ekipo
conoci como “Flex-Team” di Cuerpo Policial Aruba a efectua un cantidad di
control durante nan patruyanan diario. Ta trata aki di un grupo special di
Polisnan cu instruccion specifico pa mantene ordo publico den areanan conoci pa
problema.

E esfuersonan aki ta conduci pa evita of minimalisa agrupacion di hende rond di
luganan conoci manera Manuelito’s Bar, Cirkle-K, Hotel Bacarat, casnan di pueblo
na Noord, Madiki y tambe na casnan di pueblo na Sero Patrishi. Tambe a
controla luganan manera Lekker, De Olde Molen y Cas Casuela pa nan orario di
ceramento y den caso cu no a cera e luga ainda, a core cu tur hende pa cas.

Tur grupo cu a topa cune den oranan di anochi na altura di Eagle Beach y cu
tabata consumiendo alcohol combina cu musica duro, mester a bandona e sitio.
A controla tur esunnan cu a mustra un actitud sospechoso.

Durante e control den e siman ariba menciona, Polisnan di “Flex-Team” a topa cu
e sospechoso di inicial A.H. kende tin orden di detencion riba su nomber. A
detene na altura di Pelican Pier na beach y a transport’e pa Warda di Polis na
Noord.