Page 76 - KPA

Diplomatico Hulandes envolvi den caso di

maltrato na Aruba

July 12, 2017
134

- Advertisement -

ORANJESTAD (AAN): Desde dialuna caba tabata circula informe cu un supuesto

diplomatico Hulandes lo tabata envolvi den bringamento na un resort.

Segun informenan cu e supuesto diplomatico lo a casa diabierna ultimo na Aruba. E
homber bishitante di inicial D.W. lo ta naci na Hulanda pero lo ta traha na Belgica y

segun su version e lo ta un diplomatico.

Ta asina cu diasabra lo a surgi un problema debi un homber tambe turista naci na
Merca segun informe aparentemente lo a papia malo aparentemente cu yiu (nan) di

D.W. E yiu nan lo a notifica nan tata D.W. y e lo a bay regla cuenta cu e bishitante D.W.

Porcierto ambos homber nan nomber ta inicia cu “Dave”. No tin informe exacto na unda
e confrontacion lo a tuma lugar pero tabata tin consecuencia pa e mericano debi cu

D.W. lo a dale y hasta fractura su nanishi.

Polisnan a wordo envolvi y e turista mericano Dave L. a entrega keho contra e supuesto

diplomatico pa maltrato serio. Un total di cuater polis a presenta pa atende e caso.

Aki aparentemente Dave W. lo a expresa of a laga sa cu e ta diplomatico. Abase di
informe autoridad apesar cu cuerpo di polis tabata masha ocupa pa entiero di nan
colega Tino Ruiz pa haya sa for di instancianan manera VNO y tambe for di instancia

oficial na Hulanda si enberdad e homber awor sospechoso di maltrato tin status
di Diplomatico.