Page 26 - AAA

busca caminda pa corte. Abogado mr. David Kock a splica cu fin di September,

Universal Aviation a dicidi cu e no ta bay participa na e bidding pa por tin e licensia pa

por opera e aeropuerto chikito. A base di esey a presenta un pakete na e trahadonan di

biaha, cu nan tin cu bay cas. E pakete aki, fuera cu tabata mucho poco loke ta wordo

ofreci, pasobra tabata un escogencia conciente di e compania cu ta dicidi cu simplemente

e ta bay stop di opera. Por respeta esey, pero e tin consecuencia naturalmente pa e

trahadonan.

E pakete cu a wordo ofreci tabata uno di presion. Tabata wordo poni diferente fecha cu si

e trahadonan no firma y cada tanto dia e pakete ta keda baha, en bes cu e pakete ta subi of

keda mesun cos. Tabata kier pa tur hende spanta y core firma di biaha, cu nan ta acepta

nan retiro.

Dia 26 di November, 16 si a firma cu nan ta bay di acuerdo. No por conta e director aden

y esnan mucho cerca di dje. E grupo a acepta e pakete ey y a resta un grupo di 10 cu a

dicidi cu no ta firma e pakete. Presion a wordo poni pa haci’e, pero nan no a baha cabes.

Universal a cuminsa un procedura na departamento di labor pa haya nan

Ontslagvergunning y a cuminsa cu un procedura na corte pa un ontbinding di

arbeidsovereenkomst. Ta contento cu hues tambe a mira cu e procedura aki no tabata na

su luga y a duna sumanan cuantiosamente mas halto cu e suma ofreci originalmente di

Universalmente.

CUANTIOSAMENTE MAS HALTO