Page 32 - AAA
P. 32
forma. Eventualmente esey no a pasa. Esey ta erornan ora di traha ariba
termino largo. Cierto parametro cu si nan no cumpli loke a pronostica, e ta sali
lo contrario. Aña 2017 tabata uno hopi activo, di cual 3 horcan a bati na porta di
Aruba y nos tabata tin suerte cu uno a debilita, uno a caba na nada, uno a
debilita, djey haya forsa y bay haci desaster na Houston.
P’esey Meteo ta bisa cu Aruba semper mester ta prepara, paso Aruba ta den e
faha di horcan, aunke cu nos ta hopi zuid. Esey kiermen, cu uno, e instancia cu
ta saca pronostico, cual ta Meteo, ey ta un fayo cu ta poco debil pa Aruba,
segun Sr. Oduber. Si compara Meteo St. Maarten, Corsou, y cierto meteonan
den Caribe. Tur ta bon prepara, gobierno ta hinca placa den dje. Na Aruba,
Meteo ta benta un banda su so, un par di cos, djis pa cierto cosnan draai. E
pensamento ey mester cambia, pasobra cu uno, Aruba ta mara na cierto
reglanan di aviacion, y Meteo ta saca pronosticonan di clima, lama, y tambe pa
otro partinan geofisico cu ta temblor y tsunami. Obvio cu Meteo mester ta bon
prepara, cu mester tin personanan studia na Meteo y mester tin aparato. Esey
segun Sr. Oduber hopi biaha Meteo ta haci milager pa keda draai toch. Meteo
tin mester di aparatonan pa por sigui traha.
