Page 109 - AHATA

E situacion financiero di Aruba ta preocupante manera DIARIO a splica na varios
ocasion. E presupuesto pa 2020 ta mustra tambe cu for di 2020 mester a cuminsa cu
un maneho den cual no tin falta di placa pa goberna e pais.

Autonomia, para riba dos pia, tabata e parti di e acuerdo basico pa relacionnan den
Reino Statuut, cu tin como contenido e famoso palabranan “Steunend op eigen kracht,
doch met de wil elkander bij te staan” (Sostene riba forsa propio, pero cu e boluntad pa
asisti otro.)

For di momento cu cinco aña pasa a bira evidente, cu Aruba no por a carga e resultado
di e maneho financiero cu a wordo hiba, Reino ta exigi Aruba pa tuma medida pa e por
sigui dilanti na forma autonomo cu ta hancra den e prome parti “Steunend op eigen

kracht”.

E presupuesto 2020 a keda pendiente, pero gastonan y entradanan di e pais mester
wordo autorisa dor di parlamento cu ta e instancia cu ta dicidi riba gastonan y entrada

di e pais.

Coronavirus a haci su entrada na mundo y a sigui plama su peliger. El a basha
economia di Aruba abou.

Cu e pais den estado di shock, gobierno mester tuma medida pa economia por sigui
produci entrada. Economia ta depende riba produccion di comercio y di trahado.

E malesa a afecta e trahado y asina a afecta comercio y economia, situacion financiero
y social.

Tur pais den Reino mester actua y fondonan mester wordo crea pa yuda comunidad

sobrevivi manera den un rueda di prensa na culminacion di e crisis mundial, Ministro
Presidente Wever-Croes a anuncia.

Informacionnan ta indica cu ayera lo tabata tin consulta entre e Hulanda, Aruba,

Curaçao y Sint Maarten cu ta e cuatro paisnan den Reino. Tema di e consulta lo tabata
pa Reino sostene e posibilidad pa gobiernonan di e paisnan Hulandes den Caribe, por
haya espacio financiero pa atende cu e shock di COVID-19.