Page 38 - AHATA

For di momento cu e coronavirus nobo a presenta su mes na Aruba, DIARIO a adverti
cu Aruba mester tene na consideracion cu e ta un isla turistico cu hopi conexion cu
mundo.

Ademas DIARIO a spierta cu Aruba ta depende di turismo, loke ta haci cu e forma con
COVID-19 ta menasa economia mundial, ta perhudica Aruba.

Na e momentonan aki un parti grandi di poblacion di Aruba, ta den panico.

Informacionnan cu ta alcansa for di tur parti di mundo, no ta duna e impresion corecto
di e motibonan pa e cifranan cu ta subi pero tambe e forma di bida di cada pais, e
densidad di poblacion y hopi otro asunto cu ta hunga sigur un papel den e situacion
mundial.

Pa Aruba tin un bon bista riba e coronavirus nobo, mester mira cifra y compara cifra cu
otro. Cuanto hende ta biba na un pais? Ki porcentahe di e poblacion a wordo afecta?
Con e condicionnan di bida di e pais ta?

Awe DIARIO ta cumpli cu e prome paso, cu ta duna informacion riba e cantidad di
casonan di coronavirus cu ta mas halto riba lista y e cantidad di hende cu ta biba na e
paisnan.

Na final di e lista por mira e cantidad di hende cu ta biba na Aruba y na mundo y e total
di casonan registra.

Cu Aruba mester ta prepara, mester cera su portanan y mester evita cu un hende por
contagia otro, ta un hecho.

Pero Aruba no mester drenta un panico total y mira un enemigo cu no por destrui ta

bini riba Aruba, no ta berdad.

E cifranan cu DIARIO ta presenta ta mustra cu e cantidad di morto na China ta nada
compara cu e cantidad di hende cu ta biba na e pais. Y China ta papia di a controla e

prome centro di epidemia na su pais.

Italia tin su propio storia. Por mira cuanto hende ta biba na Italia y cuanto a haya e
virus. No ta e shock completo manera hopi hende tin den nan mente.