Page 86 - AHATA
P. 86
Wever: Sin presupuesto aproba, no por
haya fondo di emergencia
Posted on 03/20/2020 9:14 pm AST | Updated on 03/20/2020 9:15 pm AST
ORANJESTAD – Gobierno di Aruba a duna indicacion diabierna anochi cu Parlamento
di Aruba lo cuminsa trata presupuesto 2020 otro siman. Mes momento a pidi partidonan
di oposicion y independiente, pa sostene gobierno den e tempo di crisis aki. Mas lihe e
presupuesto pasa, mas liher gobierno lo por haya fondo di emergencia pa trata e situacion
di crisis di coronavirus. Esey tabata e apelacion durante e conferencia di prensa di
gobierno riba coronavirus.
HULANDA TA YUDA
Segun Wever, Hulanda a aproba un pakete di emergencia pa Aruba, Corsou y St Maarten
y islanan BES .”Hunto cu Hulanda nos lo bay busca fondonan of fiansa pa nos por atende
cu e diferente paketenan di emergencia y alivio cu cada pais ta preparando” Wever a bisa.
Wever kier bay parlamento di aluna awor cu e pakete di alivio aki pa Aruba cu ta bay den
e presupuesto 2020.
