Page 12 - ATA 11nov,2015

AWEMainta Diaranson, 11 November 2015 17

Riu Palace Antillas y
Riu Palace Aruba

A participa den
un Campaña
Nacional di
Limpiesa di

costa riba 7 di
november

RIU Palace Antillas y Riu Palace Aruba a participa den un programa special di limpiesa

di playa riba diasabra, 7 di november, como parti di e campaña nacional di limpiesa di
costa. Como parti di e iniciativa, e hotelnan a adopta un porcion di e playa y su sercania,
situa entre e resortnan na Palm Beach y Amsterdam Manor Resort, den e curason di Eagle
Beach.

Gerente General asistente Vernel Atijera a encabesa un ekipo di empleado di
hotel energetico di ambos resort pa colecta sushi for di e boulevard relativa-
mente keto situa entre e hotelnan. Adicionalmente, Riu Palace Antillias y
Riu Palace Aruba a provee pan cu beleg y fruta n’e boluntarionan hambra
pa gradici nan pa nan sosten.

E Aruba Hotel & Tourism Association (AHATA) y e
Aruba Tourism Authority (ATA) conhuntamente ta
conduci e campañanan nacional di limpiesa di costa
varios biaha pa aña. Hotelnan boluntario ta wordo
designa un pida di caminda y ta dedica algun ora
di trabou, como parti di nan responsabilidad social.
E hotelnan di Riu Palace Antillas y e Riu Palace Aruba
ta dedica recursonan n’e iniciativa y tin tur intencion
di sigui cu e esfuersonan.

Aki por mira e empleadonan di e hotel, kendenan a
duna di nan tempo boluntariamente p’e campaña di
limpiesa aki, bou guia di e Gerente General asistente
Vernel Atijera.