Page 25 - AWEMAINTA
P. 25
Diamars, 18 Februari 2020 AWEMainta Corsou 25
Estudio pa bira trahador di Guardacosta a start
WILLEMSTAD - Diabièr-
nè último 18 studiante nobo di
Guardacosta cu ta siguiendo
e estudio di “Basis Opleiding
Kustwachter” (BOK) a marcha
drenta Marinekazerne Parera
despues di 4 siman intensivo
di entrenamentu.
Dia 20 di janüari 2020 e studi-
antenan di Aruba, Còrsou y St.
Maarten a start cu e estudio di
BOK cu e meta pa cuminsa un
carera na Guardacosta.
Durante di e 4 simannan di
entrenamento di formacion, e
studiantenan a ser retá men-
tal y fisicamente.
Bou di guia di instructornan
di Guardacosta e hòbennan a
bívak den mondi, marcha
kilometernan largo, landa,
cushiná, kayak, traha flòt,
sigui programa den klas y haci
ehersicionan anfibioso.
E último ehersicio pa culminá
e simannan di formacion a
tuma lugar diahuebs 13 di
febrüari cu un marcha largo
for di madruga pa cana drenta
Marinekazerne Parera main-
ta tempran dia 14 di febrüari.
Hopi di nan futuro coleganan
di Guardacosta a ricibí nan cu
un gran aplauso na momento
cu nan a drenta kazerne.
E siman aki e studiantenan lo
start cu un parti nobo di nan
estudio, cual t’e estudio nau-
tico. Guardacosta ta desea e
hòbenanan hopi exito cu nan
estudio.
