Page 19 - MIN VOS 15 MAART 2016
P. 19
Torneo Himno y Bandera di hisamento di peso
Tuesday, 15 March 2016 08:59
Comparti
Diadomingo 20 maart 2016, Aruba Amateur Weightlifting Association ta organisa nan Torneo Himno y
Bandera di hisamento di peso, esaki ta bai tuma lugar den Compleho Deportivo Frans Figaroa na Noord.
Pisamento di atletanan ta 9:00am y competencia ta cuminsa 11:00 y ta termina pa 4:00 di atardi.
Lo bai tin participacion di varios atletanan di diferente clubnan di Crossfit den e competencia aki
manera, A297 Crossfit, Barbell in Paradise Crossfit, Muscles and Lungs Crossfit y Buchi Athletics
Crossfit. Tur e atletanan aki ta bin bon prepara y lo bataya fuerte pa wak ken ta gana den nan categoria y
pa wak ken lo sali como mihor atleta den e categoria di youth, junior, senior y master. Den e competencia
aki tambe nos lo hanja e atleta Joel Kuiperi cu tin un talento enorme y a sa di kibra varios record junior
den su categoria di 105kg. Joel Kuiperi actualmente ta preparando pa participa den e Campionato Junior
Panamericana de Levantamiento de Pesas cu lo tuma lugar otro luna na april na El Salvador.
Aruba Amateur Weightlifting Association kier a gradici Lotto pa Deporte cu ta sponser e Torneo aki y ta
invita tur amante di e deporte di weightlifting pa bin apoya nos atletanan den e Torneo Himno y Bandera
di hisamento di peso. entrada ta gratis pa grandi y chikito.
