Page 6 - MIN VOS 15 MAART 2016
P. 6
San Pedro y Sint Michael Paviljoen cu bunita gesto for di 200
trahado di Autotrader di Merca
Monday, 14 March 2016 21:21
Comparti
Dialuna tabata tin hopi hende na Paviljoen. Gloria Granger ta locatiemanager di San Michael y San Pedro
Paviljoen y el a conta cu loke a pasa dialuna mainta tabata algo tremendo. Tabata un compania cu yama
Autotrader na Merca, cu 200 trahado cu a scoge di haci un obra pa Paviljoen. Ta un compania cu ta haci
esaki tur aña y a toca Aruba e aña aki.
Via di De Palm Tours e evento aki a wordo organisa y ta encera cu nan a verf full pafo di e edificionan y
un parti tambe di paden di San Pedro Paviljoen. Nan mes a organisa tur cos, zorg pa mesa, cuminda, tur
cos y tur ta riba nan propio costo. SABA ta gradicido cu nan a wordo scogi e aña aki. E evento aki ta den
preparacion di aña pasa. Pa hopi luna ta bezig ta organisando esaki. E clientenan tambe a haya un
atencion special. E bunita tabata cu por a manda nomber di cada cliente y e deseo di e grandinan y
manda esey Merca y nan a percura pa cumpra tur cos cu e grandinan tabata kier y a trece y entrega na
cada grandi. Paviljoen tin falta di hopi di e eventonan aki asina. Manera tur hende sa, SABA, ta un
stichting cu ta wordo subsidia pa gobierno y tur hende sa con esey ta cu tin no tin hopi fondo y semper si
tin hende cu ta dispuesto di haci e cosnan aki, SABA ta hopi gradicido pa esey. For di dialuna mainta 9’or
e personanan aki tabata bezig. Nan no a keda full cla, pero tin un team di De Palm Tours cu a bin pa caba
cu e trabao, Granger a splica.
