Page 11 - ELMAR
P. 11
Fraccion di MEP a pidi reunion
urgente riba prijs di coriente
Posted on 01/13/2015 12:30 pm AST | Updated on 01/13/2015 12:34 pm AST
ORANJESTAD - Fraccion di MEP a pidi un reunion publico pa minister Mike de
Meza bin duna cuenta di e maneho di energia cu, segun e partido, ta uno sin pia y
sin cabes (lesa e carta aki). Un maneho di energia den un pais mester ta dirigi riba
brinda e mihor servicio na e ciudadanonan di e pais, pa e prijs mas abou, e partido
ta cuminsa na bisa den nan mensahe. Segun e partido, desde cu Mike Eman a tuma
mando di e pais aki, e maneho di energia na nos pais a para bira un coi hunga.
“Algo cu Eman ta uza y malusa na su antoho”, e partido ta bisa. MEP ta referi na e
prijs di crudo ta bahando drasticamente, y segun World Bank ta henter mundo
mester ta probechando di e alivio aki. Pero no na Aruba, pasobra na Aruba nos tin
un prome minister cu no ta interesa den duna alivio na pueblo, solamente na su mes.
Y consecuentemente pueblo ta wordo castiga basta cu Eman por sigui fiesta. “Esey
ta e motibo dicon fraccion di MEP a manda yama e minister responsabel cu energia
pa duna cuenta”. E partido ta sigui mustra cu no por ta asina cu mientras cu WEB
ta "hedge" pa tene prijsnan fiho, ta hisa prijs, pero no por baha prijs!
E partido ta referi na nan promesa di campaña di eleccion pasa cu ta e hydrocabel. “E
solucion real pa cu nos problemanan di energia ta e hydro cable, e cable cu ta conecta
Aruba cu Colombia, atravez di cual Aruba ta cumpra energia limpi y barata for di
Colombia, y asina por baha e prijs di coriente pa nos ciudadanonan”. Partido MEP a
presenta esaki como alternativa, y ta combenci cu esaki ta e solucion pa nos
problemanan. E partido ta spera cu presidente di parlamento Marisol Lopez-Tromp yama
e reunion aki mas pronto cu ta posibel. Segun e partido, varios reunion cu MEP a pidi den
ultimo aña aki no a wordo yama ainda, probablemente ‘pasobra AVP tin miedo di duna
cuenta’, e partido ta finalisa bisando
urgente riba prijs di coriente
Posted on 01/13/2015 12:30 pm AST | Updated on 01/13/2015 12:34 pm AST
ORANJESTAD - Fraccion di MEP a pidi un reunion publico pa minister Mike de
Meza bin duna cuenta di e maneho di energia cu, segun e partido, ta uno sin pia y
sin cabes (lesa e carta aki). Un maneho di energia den un pais mester ta dirigi riba
brinda e mihor servicio na e ciudadanonan di e pais, pa e prijs mas abou, e partido
ta cuminsa na bisa den nan mensahe. Segun e partido, desde cu Mike Eman a tuma
mando di e pais aki, e maneho di energia na nos pais a para bira un coi hunga.
“Algo cu Eman ta uza y malusa na su antoho”, e partido ta bisa. MEP ta referi na e
prijs di crudo ta bahando drasticamente, y segun World Bank ta henter mundo
mester ta probechando di e alivio aki. Pero no na Aruba, pasobra na Aruba nos tin
un prome minister cu no ta interesa den duna alivio na pueblo, solamente na su mes.
Y consecuentemente pueblo ta wordo castiga basta cu Eman por sigui fiesta. “Esey
ta e motibo dicon fraccion di MEP a manda yama e minister responsabel cu energia
pa duna cuenta”. E partido ta sigui mustra cu no por ta asina cu mientras cu WEB
ta "hedge" pa tene prijsnan fiho, ta hisa prijs, pero no por baha prijs!
E partido ta referi na nan promesa di campaña di eleccion pasa cu ta e hydrocabel. “E
solucion real pa cu nos problemanan di energia ta e hydro cable, e cable cu ta conecta
Aruba cu Colombia, atravez di cual Aruba ta cumpra energia limpi y barata for di
Colombia, y asina por baha e prijs di coriente pa nos ciudadanonan”. Partido MEP a
presenta esaki como alternativa, y ta combenci cu esaki ta e solucion pa nos
problemanan. E partido ta spera cu presidente di parlamento Marisol Lopez-Tromp yama
e reunion aki mas pronto cu ta posibel. Segun e partido, varios reunion cu MEP a pidi den
ultimo aña aki no a wordo yama ainda, probablemente ‘pasobra AVP tin miedo di duna
cuenta’, e partido ta finalisa bisando
