Page 12 - KPA FLIP 17 JUNE 2017

a6 regional
Diasabra 17 Juni 2017
Hoben morto di tiro den

cara na Barquisimeto

VENEZUELA (ElPitazo).- E hoben Nelson Dan-
iel Arévalo Avendaño, di 24 aña, a muri ayera den
oranan di atardi mientras e tabata participando
den un manifestacion den e urbanisacion Club
Hipico Las Trinitarias.

E hoben a haya un tiro den su cara. El a keda traslada pa cli-
nica priva Razetti, unda el a drenta sin signo vital.
E informacion a wordo duna traves di Twitter, unda usuari-
onan a denuncia e presencia di cuerponan di siguridad den e
zona, despues cu un grupo di manifestante a dicidi di halsa
nan bos contra gobierno di presidente Nicolás Maduro.

Oposicion Venezolano ta conta 77 dia di protesta continuo
contra gobierno nacional y e propuesta di instalacion di un
Asamblea Nacional Constituyente (ANC). Te cu awe, repre-
sion di cuerponan di siguridad a laga por lo menos 77 per-
sona morto di cual 72 ta reconoci pa Ministerio Publico, mas
di 40 di e victimanan pa arma di candela y e resto den circun-
stancia relaciona cu e accionnan riba caya. Ademas a conta
mas di 15.000 herido.

Organisacion di derecho humano ta acusa

gobierno Venezolano pa tortura

VENEZUELA (ElNuevoHerald/EFE) – Praga - E observatorio Checo di dere-
cho humano CASLA di Praga a presenta na Corte Penal Internacional (CPI)
na Den Haag casonan nobo di supuesto tortura na Venezuela, asina e director
ehecutivo di e l entidad, Tamara Sujú, a informa na agencia EFE.

“Tur cos ta haci pa por tin un investigacion di parti di e Corte
Penal Internacional pa crimennan di lesa humanidad,” Sujú a
splica, cu ya na mei 2016 y januari 2017 a presenta na e mag-
istratura internacional dos expediente di tortura cu lo a afecta
mas di 600 persona.
E dossier nobo, presenta diahuebs pasa na Den Haag, ta con-
tene seis incidente di supuesto tortura entre april y juni, y
cu lo a afecta 120 persona. Tambe a responsabilisa pa mal-
trato e actual gobierno na Caracas, bao presidencia di Nicolás
Maduro.
“Entre e crimennan di lesa humanidad contempla tin e ases-
inato pa motibo politico, encarcelamento inhusto di persona
pa motibo politico, tortura y persecucion sistematico di un
poblacion o grupo,” e hurista a detaya.
Entre otro caso, ta detaya e maltrato di e abogado Yolibeth
Colmenares, den estado Barinas, cu a keda deteni den un
manifestacion y a sufri agresion, manera haya golpi di punt’i
pia y culata di arma di candela, ricibi orina den su partinan
intimo.
Ta describi tambe violacion di Cristian Jiménez, un acto cu a
sucede na La Victoria, estado Aragua, y atribui na miembros
di Brigada 42 di Guardia Nacional Bolivariano.
Sujú a sigura cu e “cabesnan na mando di e teribel represion
y violacion di derecho humano cu sociedad Venezolano ta su-
fri, tin nomber y apeyido.”
El a referi na general Vladimir Padrino, ministro di Defen-
sa; general Néstor Reverol, ministro di Interior y Husticia;
general Benavides Torres, comandante di Guardia Nacional
Bolivariano; y general Gustavo González López, director di
SEBIN;
Tambe el a cita entre e responsabelnan di e torturanan general
Iván Hernández Dala, director di e Division di Inteligencia
Militar; y Carlos Pérez, director di Polis Nacional Bolivari-
ano.