Page 37 - AVP
P. 37
Gobierno a anuncia aumento di salario
minimo pa januari 2020
Posted on 12/18/2019 10:53 am AST | Updated on 12/18/2019 10:54 am AST
ORANJESTAD – Salario minimo ta aumenta entrante 1 di januari 2020 na AWG
1815.35. Asina minister di Labor Glenbert Croes a anuncia diaranson mainta den
un conferencia di prensa. Esey ta un aumento di 3 % osea 52.87 florin despues cu
esaki a aumenta na mei ultimo pa 1762.48 florin. Segun Croes, a tuma e decision aki
basa riba conseho di Sociaal Economisch Raad (SER). Pues e ta conta cu sosten di
tur gremio envolvi. E mandatario ta acepta si cu esaki no ta resolve e problema di
‘bestaansminimum’ di 5000 florin pa un famia di 4 persona. Pero e ta algo y ta
kibra e plafond di 1800 florin.
KEN E TA AFECTA
Segun Croes, mientras cu tin 51.777 persona registra den nos forza laboral, 4428 persona
ta gana salario minimo na Aruba. Pues e ta contento cu e grupo chikito aki di 9% di e
totalidad, awor por tin un poco mas den nan saco. Ta keda 47 mil persona cu no ta gana
salario minimo pero cu ta traha a base di contract mensual y esnan colectivo.
