Page 28 - AWEMAINTA
P. 28
28 AWEMainta Diabierna, 5 Januari 2018
Minister di Cultura a sostene e festival di Dande Infantil y Hubenil
COMO custumber di tur aña prome cu aña cera, tin e
festival di Dande infantile y hubenil. Aruba su minister
di Cultura Sra. mr. Xiomara Ruiz-Madura tabata pre-
sente pa brinda su sosten na nos muchanan y hoben-
nan na e Festival di Dande.
Nos Dande ta forma parti di nos tradicion di fin di
aña cual nos minister encarga cu e maneho di cultura
ta sostene y promove totalmente. E Festival di Dande
Infantil y Hubenil ta e forma pa sigui sembra y asina ta
contribui cu nos tradicion di fin di aña ta wordo conser-
va pa generacionnan di futuro. Minister Ruiz-Maduro
ta un fiel fanatico di nos dande y ta aprecia y reconoce
e organisacion cu pa hopi aña a bin ta organisa e festival
di dande pa nos talentonan Infantil y Hubenil.
Un danki hopi grandi na tur esnan, tanto den e organ-
isacion, musico- y mayornan pa motiva y sostene nos
talentonan den nos tradicion unico na mundo cual ta
nos Dande. Sin lubida esnan den comercio cu ta duna
nan sosten. Minister Xiomara Ruiz-Maduro ta felicita
tur participante y gruponan musical y muy en partic-
ular e ganadornan den e Festival di Dande infantil y
hubenil y a conseha nan pa sigui mantene nos tradicion
cultural cu hopi orguyo.
