Page 49 - MIN TTC 16 SEPT 2015

PAGINA 38 DIARIO DIARANZON 16 SEPTEMBER 2015

Orquesta Pegasaya Celebrando Awe nan 30 aña na Jakarta…

Diadomingo awor Orquesta Pegasaya lo celebra su 30 Aña den PoetsTV…

** 16 September 1985 tabata
e nacemento di Orquesta Pe-
gasaya y awe nan ta celebra nan
30 aña den un gran concierto na
Jakarta, Indonecia. Mientras cu
diadomingo proximo pa 7’or
di anochi na Telearuba/TDS
13 Curacao, por cera conoci of
recorda e tremendo orquesta
Antiyano aki cu porcierto ta e
unico nan cu a keda “still go-
ing strong” na Madre Patria Hu-
landa. Mr. Kennedy Thielman
kende ta e pilar, motor y creador
di Pegasaya ta un docente cu den
su tempo liber for di tempo cu e
tabata studia a dicidi pa forma
e orquesta aki hunto cu algun
studiante na Tilburg como un
hobby na Hulanda, cual a resul-
ta den 30 aña non stop sin stop.
Orquesta Pegasaya cu nan disci-
plina y semper na ora y semper
nechi uniforma a conquista e
mercado hulandes di entreteni-
mento y ta goza di actividadnan
di renombre no solamente na
Hulanda, pero demas paisnan
Europeo manera Belgica te na
Jakarta, Indonecia. Durante e
30 aña di existencia di Orquesta
Pegasaya, varios di e conocido
cantantenan y musiconan cu a
bai studia na Hulanda a forma
parti di Orquesta Pegasaya
manera: Giovani Tromp, Jersey
Isenia, Reinier Lijfrock, Igmar
La Reine, Quency Commen-
cia, Kennard Maduro, Gilbert
Hooyboer y Hector Samson.
PoetsTV tabata tin e honor y
privilegio pa cubri Orquesta
Pegasaya su presentacion den e
majestuoso Kermis na Tilburg,
Hulanda. E prome parti di e
edishon di PoetsTV pa diado-
mingo ta inicia cu un cobertura
special di Tippaman y Rudy
Stone na Kuelen, Alemania, pa
despues e programa clausura cu
e special di Orquesta Pegasaya
den Kermis di Tilburg…