Page 9 - AAA- APRIL 22,2015

Aeropuerto di Aruba ta introduci segmento “Nos
Aeropuerto” durante Telenoticia

• Apr 21st, 2015
• Local

Pa e siguiente 3 lunanan Aruba Airport Authority N.V. (AAA) lo presenta un segmento di noticia semanal
titula “Nos Aeropuerto” unda lo pone atencion na e varios profesionnan cu ta wordo eherci na aeropuerto.
Durante cada segmento di 4 minuut cu lo pasa tur diaranson, e televidente lo hanja un bista di e
trabounan eherci door di e comunidad di aeropuerto cu ta consisti di 1500 empleado. For di trabounan
den e toren di control pa e trabounan eherci door di esnan cu ta haci e avionnan limpi, e serie lo duna un
bista mas detaya di e diferente rolnan cu cada empleado ta eherce den e operacion di aeropuerto di
Aruba.
Aeropuerto di Aruba ta hopi contento di por inicia e serie cu un bista riba e trabounan eherci door di un
empleado di toren di control. Den e segmento e televidente lo sinja kico un empleado di toren di control ta
pasa aden ora cu e ta traha den comparacion cu loke scol a sinj’e. Hanja sa tambe pakico e empleado
aki en particular ta stima su trabou di tene nos espacio aereo sigur.
Aeropuerto di Aruba ta invita bo pa sintoniza awenochi (Diaranson, 22 di April 2015) pa mira e prome
edicion di “Nos Aeropuerto”.
E serie “Nos Aeropuerto” lo ta riba Aeropuerto di Aruba su page di facebook “Aruba Airport” despues cu e
wordo transmiti na Telearuba.

http://masnoticia.com/aeropuerto-di-aruba-ta-introduci-segmento-nos-aeropuerto-durante-
telenoticia/