Page 2 - AWEMAINTA

2 AWEMainta Diamars, 29 Mei 2018

Rumornan falso di 24ora.com:

“Niun noticia falso lo stroba mi atencion

pa gana confiansa bek di Hulanda”

“Mi no tin niun bodyguard deteni”, di acuerdo cu Prome Minister Evelyn Wever Croes

PROME Minister Evelyn Wever-Croes ta na Hulanda
pa varios bishita di trabou cu e bishita principal cu Rey
Willem Alexander.
Ta di lamenta, Prome Minister ta bisa cu mientras e ta
na Hulanda cu un meta pa re-establece e confiansa bek,
oponentenan ta difundiendo cantidad di noticia falso pa
purba desvia atencion.
E mandatario ta bisa cu e trabounan cu mester haci na
Hulanda ta grandi y hopi serio. Lo tuma hopi pa gana e
confiansa bek di e Hulandesnan.
Y rumornan falso lo no bay stroba e mandatario pero si
el a reacciona den corto pa aclarea e rumornan aki.

NO A HIBA UN DELEGACION HULANDA
Prome Minister Evelyn Wever Croes a aclarea cu el a
biaha pa Hulanda su so, sin niun delegacion cu n’e. Su
casa ta compañe den e biahe, pero e no ta parti di niun
delegacion. E Premier di Aruba ta trahando na Hulanda,
mientras su conseheronan ta na Aruba ta consehando e
desde aki mes desde oranan di madruga.
Nan ta cla y pendiente pa duna conseho na tur momento
di dia. E Gobierno aki ta bahando gasto uzando tecnologia
pa traha hunto enbes di biaha hunto.

NO TIN NIUN BODYGUARD SERA:
Specificamente, Prome Minister a refiri n’e medio di
comunicacion 24ora.com cu a trece den su plataforma
di noticia online cu a skirbi cu un bodyguard di Prome
Minister ta deteni. Prome Minister a enfatisa cu esaki ta
un noticia falso y hopi baho.
Pa prome, e mandatario no tin bodyguard. Pero si durante
campaña tabatin hendenan cu a fungi como tal.

“No tin niun hende cu a campaña cu Prome Minister of
cu tabata su bodyguard cu ta deteni of cu tabata deteni.
Den e caso aki, e plataforma di noticia en cuestion ta
referi na un persona cu den pasado a campaña p’e hopi
aña atras, pero sigur den e ultimo campaña no a campaña
mas y no a forma parti di e team di Prome Minister”,
segun Evelyn Wever Croes.

Prome Minister den e caso di e persona deteni aki ta cu ta deteni tampoco niun hende cu a campaña pa mi ta
bisa pa laga husticia core su curso. Y manera semper e deteni awor of a ser deteni.
mandatario a indica, cu esun cu comete un eror, mester
sinta riba su blaar. Esaki ta un rumor falso di nos oponentenan mustrando
“Mi no a drenta politica pa perhudica niun hende y sigur nan desesperacion. Nan sa cu mi ta na Hulanda. Nan
no pa sali na defensa di un of otro persona cu ta comete sa cu mi tin mester di tur atencion pa gana confiansa
eror. bek di e Hulandesnan. Cu e noticianan falso aki nan
Den e caso aki ta conta mesun cos. Pa mala suerte di e ta purba di desvia mi atencion. Pero nan lo no logra,”
noticia aki y di 24ora.com, ami no tin ningun bodyguard Prome Minister Evelyn Wever-Croes a laga sa.