Page 25 - AWEMAINTA

Diamars, 29 Mei 2018
Aruba Experience Cafe - Patisserie a habri su portanan den curason di Rancho
DIABIERNA 25 di mei ultimo a
tuma lugar apertura oficial di Aruba Ex-
perience Cafe – Patisserie, un lugar cu
ta desea di rescata y preserva e heren-
cia cultural di Aruba den e curason di e
prome area comercial cu a existi riba nos
dushi isla.
Situa na Rancho, den un cas cu mas di
150 aña di historia, bo por disfruta di
un variedad di pan fresco artesanal, pan
dushi, bolo y diferente otro producto di
pasteleria.
E acto di apertura a constata di varios
punto cuminsando cu e palabranan di
bon-bini n’e evento, na encargo di Mark
Benson-Denz, sigui pa un potpurri di
diferente baile tipico presenta p’e grupo
di baile Youth Expressions; despues di e
baile a tuma lugar e speech di e propi-
etaria Susan Ruiter, kende a comparti
cu tur esnan presente e vision di Aruba
Experience Cafe – Patisserie y con el a
yega na bira un realidad.
Durante e anochi tabatin diferente mo-
mento emotivo, entre nan ora cu nos
Tata di Cultura Padu Lampe a acerca po-
dium y Susan a pidi’e pa su bendicion
pa cu e proyecto. Minister Presidente
sra. Evelyn Wever-Croes y Minister Ar-
mando Lampe tambe tabata presente.
AWEMainta 25
E anochi a ser amaniza pa Grupo
di Betico, Caha di Orgel di Martin Far-
ro, Grupo di Dande di Igmar Maduro y
musica en bibo di Steelpan.
Na Aruba Experience Cafe – Patisserie
bo por scoge bo kofie faborito, traha cu
granonan di diferente parti di mundo y
di calidad excelso, prepara pa un baris-
ta profesional. Su propietaria, Susan
Ruiter -originalmente di Venezuela- kier
comparti cu e turistanan y yiu di tera, e
amor y e sentido di gratitud cu e ta sinti
pa cu e pida baranca aki.
E koffie a nace di e inspiracion di pro-
greso cu Susan a experimenta for di
tempo cu el a bin biba na Aruba ora cu
el a presencia e combersacion entre un
dama di Aruba y varios persona di dife-
rente otro nacionalidad.
Susan a admira e facilidad pa cambia di
idioma, e conocemento general di actu-
alidad mundial cu e señora a mustra y
esaki a dune un vision di loke e mes kier
a persigui durante su bida.
17 Aña despues di su yegada na Aruba y
cu un sinfin di experiencia diverso, Aru-
ba Experience Cafe – Patisserie t’e suma
di loke Susan a absorbe di nos cultura y
cu awor e kier comparti cu tur su bishi-
tantenan –Un experiencia pa cada un di
nos cinco sentidonan.