Page 3 - ENNIA_Neat

20 AWEMainta Diaranson, 15 April 2015

Guardian Group Fatum ta felicita

Team masculino
#1 den categoria
bou di 120 aña na
Ronde van Aruba

DURANTE e anochi di 10 april 2015 pa marduga di 11 di april

2015 a tuma lugar pa di 23 biaha e Ronde van Aruba. Guardian
Group Fatum no solamente tabata un di e sponsornan di e exitoso
evento deportivo aki, pero tambe a cosecha exito cu e team gana-
dor masculino den e categoria di bou 120 aña.
P’e motibo aki Guardian Group Fatum kier felicita su organisador-
nan y e team masculino ganador. E team aki a consisti di Lucien
Dirksz, Michaĕllo Benjamin Martilia, Dillon Willems y Justice
Dreischor, hunto nan ta sera 110 aña y naturalmente nan coach
Glennon Eights.

Pa 10:45 pm e prome participante a sali y esaki a continua cada
2 minuut. Tabatin coredor cu a participa nan so, otro den duo y
esun mas comun t’esun di 4 persona. En total e participantenan
mester a core 75 km.
E team ganador masculino bou 120 aña a sali pa exactamente 1
or di mardruga y a logra di termina e careda den menos di 5 ora
(4:59:21).
E team aki a conta cu e vision y perseverancia di nan coach Glen-
non, e experiencia di Lucien, e energia hubenil di Michaĕllo, Dil-
lon y Justice y sigur cu e apoyo 100% di Guardian Group Fatum.

Lucien Dirksz no ta un deportista desconoci den nos comunidad,
e tin un gran experiencia den diferente area deportivo, unda cu el
a yega di gana hopi premio nacional y internacional. E resto di e
miembronan tambe ta deportistanan activo den nos comunidad.
Nan ta di edadnan mas jong y sigur nos por spera hopi mas di nan.
Justice Dreischor cu t’esun di mas jong ta preparando caba pa
su siguiente prestacion den exterior. Tur e atletanan y coach ta
miembro di Aruba Triatlon Association cual Guardian Group
Fatum ta sponsor henter aña.

Guardian Group Fatum semper ta cla pa apoya nos deportistanan
local. Durante e evento aki nan a mira e necesidad di mira nos atle-
tanan cumpli nan metanan y triunfa, y sigur nan no kier a keda afo.
Un apoyo grandi tambe t’e coach, e chofer y su co-piloto como
tambe e mama di Justice. Tur tabata apoya e atletanan durante
henter e ruta.
E coach Glennon Eights tabatin un vision y strategia claro p’e atle-
tanan. Yega final bou di 5 ora. Cada vehiculo nan dilanti tabata
un meta individual. Cada biaha cu nan a pasa un vehiculo nan a
cumpli un meta. Sigur cu e ultimo 10 minuut tabata esun di mas
duro, pero esun di mas rewarding.
Guardian Group Fatum ta hopi orguyoso di team di hoben mas-
culino aki y ta desea nan tur exito pa cualkier meta cu nan pone
den nan caminda.
Tambe Guardian Group ta felicita tur e otro participante y gana-
dornan den nan categoria di participacion.