Page 4 - METACORP

16 INTERNACIONAL AWEMainta Diabierna, 30 Augustus 2024

Hobennan Haitiano pura pa registra nan mes den ehercito

Mientras cu ehercito ta busca reclutanan pa combati gangnan

DEN curason di centro di ciudad di Port-au-Prince, un radio
chikito a zona cu un anuncio cu por cambia bida. E ehercito
di Haiti tabata buscando reclutanan nobo, y pa Maurenceley

Clerge di 21 aña, kende ta drecha y bende smartphones na
un kiosco riba caya, e tabata un oportunidad cu e no por
a ignora. Cu soñonan di gana suficiente pa por paga pa su
propio cuminda y huur, Clerge rapidamente a completa e

papelnan necesario y a uni na cientos di otro aspirantenan
para den rij bou di e solo cayente, ansioso pa un chens pa
sirbi.

“Esaki t’e momento cu mi tabata wardando pe,” Clerge a
comparti, expresando su deseo no solamente pa sirbi su pais
pero tambe pa mehora su propio bida. Actualmente depen-

diente riba un amigo pa vivienda y cuminda, e prospecto di

un trabou stabiel como un soldaat ta ofrece un salida for di
pobresa y un caminda pa independencia.

Mientras violencia di gang ta sigui asota Haiti, miles di hoben

ta acudiendo pa registra nan mes den ehercito, mirando
esaki como un di e poco oportunidadnan di trabou disponibel
den un pais unda trabou ta scars. A pesar di e peligernan—
secuestro, tortura, y hasta morto—e generacion mas hoben

di Haiti ta pasando dilanti, motiva pa un mescla di patrio-
tismo y e necesidad pa stabilidad economico. E gobierno, cu
e meta di reconstrui un ehercito desbanda decadanan pasa,
ta mira e reclutanan aki como esencial den su lucha pa recu-

pera e cayanan for di gangnan.

Pa hopi, manera Samuel Delmas, e decision pa alisa no a
wordo tuma liheramente. “Mi a pensa hopi riba dje pasobra

mi sa cu ser un soldaat ta rekeri hopi sacrificio,” Delmas
a bisa. Consciente di e riesgonan envolvi, e ainda a sinti
e necesidad pa aplica, reconociendo cu e recompensanan
potencial—un entrada fiho, proposito, y un chens pa sirbi—

ta surpasa e peligernan.

Mientras cu ehercito di Haiti ta busca pa reforsa su cantidad
di soldaat, e fluho di aplicacionnan for di hobennan Haitiano

ta destaca tanto e necesidad desespera pa empleo como e
disposicion di un generacion nobo pa riesga tur cos pa un
chens na un miho futuro. E situacion ta subraya e condi-
cionnan economico severo na Haiti, unda uni na ehercito ta

ofrece un di e poco camindanan viabel pa scapa di pobreza,
hasta cu gran riesgo personal.