Page 18 - AM 23 SEPT,2015

18 AWEMainta Diaranson, 23 September 2015

Atletanan di BMX lo competi den e

2015 UCI BMX Supercross
World Cup Finals na Rock
Hill, South Carolina

PA CASI un siman largo, nos atletanan elite den e deporte

di BMX, esta Zaythiel Soekandar y Feddison Flanders
hunto cu coach Pedro Estabalo a permanece na Rock Hill,
South Carolina na Merca, unda e atletanan Soekandar
y Flanders lo competi den e 2015 UCI BMX Supercross
World Cup Finals.
Durante dos dia largo, mas cu 200 coredor profesional di
bike cross procedente di 25 pais lo bataya p’e tres mihor
puestonan disponibel.
N’e careda aki e atletanan por acumula pa yega n’e
clasificacion Olimpico di otro aña na Rio de Janeiro,
Brasil.

Ya pa varios aña nos atletanan di BMX a representa Aruba
den diferente campeonato grandi rond mundo.
E atletanan Soekandar y Flanders a competi den e
Weganan Sur Americano pa Aruba na Santiago de Chile
unda ambos a yega e gran final.
Recientemente e coredor Soekandar a competi den e
Weganan Panamericano 2015 na Toronto, Canada.

Federacion di Ciclismo, seccion BMX hunto cu coach
Pedro Estaba ta trahando duro cu nos atletanan hoben
unda ta biaha cu nan p’asina nan atende camponan
di entrenamento y tambe competi lo mas hopi cu ta
posibel den exterior, esaki pa gana mas experencia.
Esaki sigur ta un sacrificio, pero tambe un muestra di
disciplina y dedicacion p’asina logra realisa e metanan
poni.