Page 8 - AM 23 SEPT,2015

8 AWEMainta Diaranson, 23 September 2015

Fraccion di MEP a bishita area di hotel

Ta espantoso
pa mira con
Gobierno a
laga marca
delaster un
lugar pa pone
parkeermeter

FRACCION di MEP e siman aki a bishita e area di hotel

high rise. Nan tabata tin dos meta cu e bishta aki.
E prome tabata pa expresa nan preocupacion pa cu e
inseguridad cu tin den e area di hotel. Ta mescos cu e
Gobierno aki no ta ni worry, pasobra nan no ta hasiendo
nada.
Den fin di siman atrobe un atraco grandi a tuma lugar
den un hoyeria banda di hotelnan cu a laga turistanan
tur spanta. Ki dia e Gobierno aki ta realisa cu e propa-
ganda aki lo caba cu turismo.

MEP su solucion ta cu mester tin mas Polis den e area
aki, mas Polis riba caya. Polis mas orienta riba turismo,
sin cu bo ta nota cu nan tey, pero nan tey si y ta vigila
tur cos y tene e area sigur.
E Gobierno aki su prioridadnan totalmente ekiboca a
pone cu placa ta bai den cabay blauw, en bes di uniform
blauw riba caya.
Placa ta bai den un caretera berde, en bes di un pais
trankil y sigur.

E di dos meta di e bishita tabata pa mira e plannan di
Gobierno pa bin cu parkeermeter den e area tambe.
Tabata espantoso pa mira con Gobierno a laga marca
delaster un lugar pa pone parkeermeter. Awor cu nan
ta cabando cu centro di Playa, awor nan kier bay caba
cu e area di hotel tambe?
E Gobierno aki no ta parse di ta planifica, esey ta e
problema mas grandi cu especialmente empleadonan
tin den e area.
No cu nan ta nenga di paga, pero mester ta algo husto
si, y e mester wordo bon planea, bon studia, p’e no caba
cu e poco movecion di hende cu tin eybanda.

E Parlamentarionan di MEP, manera nan a anuncia, lo
no ta den sala di Parlamento pa reunionnan regular,
pero lo ta den pueblo pa mira y scucha kico ta pasando.
Nan a combersa cu varios persona cu ta traha den e area,
y tambe cu turista pa scucha di nan mes, con nan ta mira
e situacionnan aki.