Page 10 - AHATA
P. 10
Diamars, 3 October 2023 AWEMainta COMUNIDAD 15
Grupo nobo “Aruba Tourist Carnival
Group” ta pa turista- y Arubianonan
a Paseo Herencia, Stichting Klein Aruba a lansa su gru-
Npo nobo pa Carnaval 70. Cu diseñonan exclusivo den e
tema “TRIBUTE TO ARUBA”, Jarissa Dubero como creador
y diseñador a duna realse grandi na Aruba su cultura.
Compaña p’e artistanan clasico di e banda Musical Time,
LONG ROY y TATTOO a duna inicio na e grupo nobo. E luga
tawata yena cu turista- y localnan cu di biaha a cuminsa in-
scribi pa participa na nos carnaval. Addonsito Croes e co-
productor, tawata e MC y ta sumamente contento cu e re-
accion di tur cu tawata presente. Den e publico por a admi-
ra presencia di representante di hotelnan local, SMAC, ATA,
AHATA y presidente di stichting Klein Aruba, Arthur Kelly.
Jarissa Dubero no tin palabra pa gradici cada modelo cu a
modela na forma campeon su diseñonan. E entusiasmo ya
ta mucho grandi.
CARNAVAL 70
MUSICAL TIME bou guia di Leo Rodriguez lo ta e banda cu
lo compaña e miles di participantenan den e 6 paradanan
di Carnaval 70.
TRAHENAN Y COSEDO
Cada parada lo tin un trahe diferente. E temanan ta entre
otro pa Fakkel “E Escudo di Aruba” den colornan oro y
preto. Pa Sunset Parade e tema ta “Aruba su Piscadonan”. Pa
Lighting Parade Oranjestad, e tema ta DERA GAI. Otro tema
cu diseño bunita luci ta “E GUTU”. E pisca aki ta respon-
sabel pa Aruba su Santo Blanco di e Playanan. E trahenan
dje “GUTU” ta pa Parada di San Nicolas. Pa Oranjestad e
tema ta: “Aruba su Placa”. E 10, 25, 50, 100 y 200 florin ta
domina pa e color Oranje cu ta resalta. E oranje ta simbolisa
e nomber di Oranjestad. E COSEDO ta Jaide Boekhoudt.
WEBSITE Y INSCRIPCION
E website ta un diseño di Dwayne Heronimo y tur hende cu ta
desea di participa cu e grupo aki, por bishita: www.aruba-
touristcarnivalgroup.com. Por bishita desde diaranson e
paginanan di ATCG riba FB y Instagram.
Aki ta haya tur informacion necesario inclui prijs, size,
diseño, splicacion di temanan y mas. Tambe por app Jarissa
Dubero na 7344346 of Addonsito na 5602626.
Prijs pa local ta na Florin! E CEDE ta SherryBerry
Tankileendert desde diahuebs 5 di october 2023. Tur
diahuebs y diabierna CEDE ta habri.
Potretnan: Joan Mahendrepersad, Zaira Maya y Arthur Kelly
