Page 14 - LOTTO

Tambe a drecha remplasa e omheining di waya y pone hekwerk di hero. A instala un

scoreboard sofestica y mucho mas visibel mescos ta e caso den stadion Guillermo

Trinidad. Den luna di juli a cuminsa cu e trabounan riba e postenan di luz unda e siman

aki a finalisa esakinan. Representantenan di Fundacion Facilidadnan Deportivo, Philips y

e contratista encarga a test esakinan. Mester bisa cu por a nota un diferencia grandi cu e

lusnan cu tabata tini anteriormente. Tin caminda cu mester bay ahusta y sincronisa e

lusnan pa asina e tereno completo wordo ilumina. E lusnan nobo ta hopi skerpi y ta duna
mucho mas claridad. Den un combersacion cu Ing. Junior Tromp di Fundacion

Facilidadnan Deportivo, FFD e la conta nos cu despues di hopi aña tin ilumniacion atrobe

den stadion di Frans Figaroa. Aunke mester hasi cierto ahustenan ainda nan ta hopi

satisfecho cu e calidad di e lusnan. Tin caminda riba e tereno a nota cu falta claridad pero

esey lo traha riba dje den e dianan siguiente pa asina e tereno ta completamente ilumnina.

Notable ta cu awor cada poste tin 10 lus na dje y ta cuadra cu a exigencianan di

federacion mundial di futbol, FIFA. Esaki ta nifica cu lo por pone weganan internacional

den Frans Figaroa. Segun sr. Tromp e plan tey tambe pa cuminsa evalua stadion

Guillermo Trinidad na Dakota unda tin pensa di pone e mesun tipo di lusnan cu Frans

Figaroa na Noord. Dentro di poco e stadion di Frans Figaroa lo ta den operacion unda

organisacionnan di futbol por hasi uso pa entrena y/of hunga weganan di campeonato.