Page 4 - LOTTO

40 AWEMainta Diamars, 12 September 2017

A sende luz den Centro Deportivo NA comienso di aña a cuminsa cu

e renobacion di e accomadacion
Frans Figaroa na Noord di Centro Deportivo Frans Figa-

roa na Noord. Prome a inicia cu
e trabounan riba ambos dak di e
tribunanan unda cambia esakinan
pa uno completamente nobo.
Tambe a drecha remplasa e om-
heining di waya y pone hekwerk
di hero. A instala un scoreboard
sofestica y mucho mas visibel mes-
cos t’e caso den Stadion Guillermo
Prospero Trinidad.

Den luna di juli a cuminsa cu e
trabounan riba e postenan di luz
unda e siman aki a finalisa esaki-
nan. Representantenan di Fun-
dacion Facilidadnan Deportivo,
Philips y e contratista encarga a
test esakinan.
Mester bisa cu por a nota un dife-
rencia grandi cu e lusnan cu tabata
tin anteriormente. Tin caminda cu
mester bay ahusta y sincronisa e
lusnan p’asina e tereno completo
wordo ilumina. E lusnan nobo ta
hopi skerpi y ta duna mucho mas
claridad.

Den un combersacion cu ing.
Junior Tromp di Fundacion Fa-
cilidadnan Deportivo, FFD el a
conta nos cu despues di hopi aña
tin ilumniacion atrobe den stadion
di Frans Figaroa.
Aunke mester haci cierto ahuste
ainda nan ta hopi satisfecho cu e
calidad di e lusnan. Tin caminda
riba e tereno a nota cu falta clari-
dad, pero esey lo traha riba dje den
e dianan siguiente p’asina e tereno
ta completamente ilumnina.
Notable ta cu awor cada poste tin
10 lus na dje y ta cuadra cu a exi-
gencianan di federacion mundial
di futbol, FIFA. Esaki ta nifica cu
lo por pone weganan internacional
den Frans Figaroa.

Segun sr. Junior Tromp e plan tey
tambe pa cuminsa evalua stadion
Guillermo Trinidad na Dakota
unda tin pensa di pone e mesun
tipo di lusnan cu Frans Figaroa na
Noord.
Dentro di poco e stadion di Frans
Figaroa lo ta den operacion unda
organisacionnan di futbol por hasi
uso pa entrena y/of hunga weganan
di campeonato.