Page 17 - DESPA

Mayoria biaha nan ta saca informacion pa e studiantenan bin. Ora tin exigencianan
asina, Salubridad Publico ta saca un informacion tocante di e vacunanan cu mester
worde aplica e ora eynan.

E demanda pa awor aki, vooral den e caso di keintura geel, cu eigenlijk den full Latino
America, ta birando un exigencia, e demanda a subi. Ta hayando constantemente
personanan cu ta bay e parti di Latino America, ta bin busca nan vacuna di keintura
geel.

Problema:

E departamento no ta haya hendenan cu ta haya problema. Locual si cu keintura geel

ta, cu prome cu hay’e, e departamento mester ta na altura cu e persona mester tin
alegria contra productonan di webo. Pasobra si tin alergia p’e, no por haya e vacuna.
Tambe tin e Hepatitis A, si ta alergico pa antibiotica, tambe e ora eynan e ta bira un
contraindicacion cu por tuma e vacuna akinan. E ora eynan, personanan cu no por haya

e vacunanan di keintura geel of di hepatitis A, e ora tin cu bay dokter di cas, e ora di su
turno, e dokter tin cu traha un declaracion cu por biaha cu un declaracion eynan.

Por ehempel si ta bay Colombia, ta un exigencia pa tin e vacuna di keintura geel y pa

motibo cu tin e alergia pa productonan di webo, e ora e dokter tin cu skirbi e
declaracion y cu esey tin cu biaha cun’e, pa si en caso cu yega Colombia y pidi pa e
buki di vacuna, e ora ta bisa nan cu no por hay’e y ta laga mustra e declaracion di
dokter, Henriquez a splica.