Page 43 - MEZA

AWEMainta Diaranson, 26 April 2017 37

Greg Peterson durante Beach Clean Up di AVP

“Accion di Limpiesa ta muestra

di respet pa naturalesa”

CONOCIDO ambientalista local y
president di Aruba Bird Life Founda-
tion, Greg Peterson a compaña Prome
Minister, Parlamentario y simpatizan-
tenan di AVP den fin di siman durante
un accion di limpiesa en conexion cu
Dia di Mama Tera na Grapefield San
Nicolas.

Aki Peterson a resalta su gratitud
pa e aporte cu ta haci na bienestar
di naturalesa, pero tambe e balor cu
informacion tambe tin den e lucha pa
preservacion.
“Mi ta kere cu den futuro nos kier
haya feedback di e hendenan cu a
piki sushi riba kico nan a haya eyfo”,
Peterson a bisa.

Un ehempel ta e propio Minister
di Medio Ambiente, Mike de Meza
kende durante e recoleccion a tuma
nota di sushinan cu ta duna muestra
di sospecho riba un grupo en particu-
lar cu ta dump eynan. E area ta entre
e 19 nomina dor di Gabinete Mike
Eman II pa incorpora na e teritorio
bou proteccion di Parke Nacional
Arikok.

“Nos ta sumamente contento cu ya
caba un ‘clean up’ ta wordo haci aki.
E ta un muestra di respet pa e luganan
di naturalesa cu ta wordo proteha y
riba un Earth Day, un dia special pa
nos Mama Tera, esaki un gesto hopi
bunita”, e ambientalista a declara.

Compartiendo e informacion cu haya
sea durante un actividad of riba un
keiro individual den nos naturalesa,
tur hende ta aporta. Asina e grupo y
instancianan por manda hende na e
luga pa wak si tin cierto cos cu no ta
bayendo bon y a base di esey tuma
medida corectivo pa yuda otronan.
“Mi ta haci un peticion na un y tur pa
nos tur yuda nos planeta y hacie pa e
muchanan paso nos a fia Mama Tera
di e muchanan di mañan”, Peterson
a finalisa bisando.