Page 23 - FUND LOTTO

Diamars, 5 December 2017 AWEMainta 27

Centro di Bario Brazil ta bay organisa mas actividad

social, deportivo y cultural p’e unión familiar den bario

CENTRO di Bario Brazil algún luna pasa a reinforsa su

directiva, pa traha riba e diferente plan cu tin riba mesa,
na bienestar di e famia den bario.

Intencion ta pa sigui organisa diferente e actividadnan so-

cial, cultural y deportivo. P.e. cu weganan den bario riba
dianan nacional. Tambe sigui engrandece e Parada Folk-

lor/Cultural, asina sigui trece bek e sentimento profundo

di nos cultura di antes.

Otro actividad cu ta bay sigui engrandece t’e popular wega

“Mens Erger Je Niet LIVE” cu ta wordo hunga durante
henter aña den C.B.B. Hopi famia y coleganan ta topa

otro den un forma alegre y intercambia durante di e wega.
Recientemente C.B.B a habri su propio Gym, unda un

gran cantidad di miembro ta acudi pa entrena y keda den

bon condición. Tur dialuna y diaranson 6:30pm tin les di
Zumba y Soca Freestlye.

Den CBB tin les di cushinamento pa mucha. Intención ta

tambe pa cuminsa januari cu agricultura pa mucha. Pron-

to tambe les di computer, weganan di volleyball y trefbal.
Den CBB tin mesanan di Ping Pong cu ta wordo masha

hopi usa.

Tambe tin programa pa yuda esnan cu kier cana y core

pa nan salud etc. E organisacionnan deportivo manera

Baseball y Futbol ta un tremendo aporte den bario, ya ta
haciendo hopi na desaroyo di hoben y adulto.

E veld di yerba artificial ta wordo bon usa, pero actual
mester drecha e lusnan solar cu no ta funciona optimal.