Page 16 - AWE0906

Diahuebs 9 di Juni 2022

SPORT
Ban Move Camp di ASU ta

cuminsa dia 15 di juli

urante un conferencia di Aruba Sport Uni su presidente
DGerald Francia a anuncia dos proyecto cu tal bay
ehecuta e siman aki.

Un di nan tal un curso di nutricion special pa atleta y
dirigente den deporte pa duna nan e guía riba e miho
alimentonan pa consumi, dependiendo e tipo di deporte
cu nan ta practica y basa riba loke nan kier logra cu nan
curpa. E ta un curso cu tal duna un bes pa aña.

Aworaki a programa dos fecha pa e curso tuma luga,
dunando mas tanto hende posibel e chens pa porta
participa den esaki. E fechanan tal 18 y 25 di juni y lo tuma
un maximo di 30 persona, pues cupo ta limita. Esaki lo
cuminsa pa 9:00 am na Centro Deportivo Betico Croes.
Ya caba tin 20 persona registra. Por yama 5854071 of
5854067.

E persona encarga pa duna e curso aki ta Charlene Leslie,
kende tin un conocemento amplio den area di nutricion,
como dietista.

E siguiente proyecto ta tuma luga na inicio di juli. E ta
algo cu a cuminsa cu ne 13 aña atras y cu ta dirigi riba
hobennan di 6 pa 14 aña. Tin hopi hoben no ta haya e
chens pa bay cu vakantie den exterior y mester keda cas.
Pa e grupo aki ASU ta organisa Ban Move Camp. Durante
esaki lo atende shete diferente tipo di deporte. E sistema
ta permiti e muchanan pa cada dia participa den un tipo di
deporte diferente. Riba e ultimo dia e participantenan ta
bay piscina y ta haya curso di landamento.

E curso ta di 11 pa 15 di juli y ta tuma luga na na Sport
Centrum San Nicolas den dr. Schapmaenstraat, pero e
parti ariba. Tin espacio pa 120 mucha. E di dos grupo lo ta
na Sport Centrum Frans Figaroa na Noord. E facilidad aki ta
un poco mas grandi y tin espacio pa rond di 179 mucha.
Den e siman di 25 pa 29 di juni lo bay ta den Sport Centrum
Betico Croes cu tin espacio pa 170 mucha.
Tur e actividadnan ta cuminsa for di 8’or mainta pa 1’or
di merdia. Ta spera cu nan yega bon desayuna, apesar cu
nan lo haya un sandwich, fruta y juice durante e mainta.
Tur mucha ta cubri pa seguro cu ta cubri for di ora cu nan
Sali di cas y bolbe. Mester bini cu un boter di awa pa uzo
propio. Ta cobra solamente 15 florin pa mucha, dos ta 25 y
tres mucha ta 30 florin.

16