Page 15 - Awe Mainta 30_di_april_di_2022

Diasabra, 30 di April 2022|15

Eric Ras (Curpa):

Fe den Dios y un clase trahador balente lo percura pa

Aruba lanta cabes atrobe

Partido Curpa kier hasi uso di e
oportunidad pa Manda un palabra di
felicitacion na e clase trahador riba nan
dia. Nos tur sa cu nos isla no ta pasan-
do den e mihor momento, pero semper
nos mester ta agradicido na Dios cu nos
por tin nos pan riba nos mesa. Nos no
mester lubida esnan cu a contribui caba
na nos Aruba dushi terra. Nos grandi-
nan awe pensionado ta esnan cu a laga
un fundeshi atras cu awe nos por sigui
contribui y sigui construi nos isla. Laga
nos pone nos confiansa den Dios pa
duna nos sabiduria y asina nos uni den
e lucha pa lanta nos isla y pone riba pia
atrobe.

Un mas cu otro ta bibando momentonan
dificil. Momentonan cu ta exigi union di
nos pueblo y prinicpalmente di esnan
cu ta dirigi e pais. Momentonan cu ta
rekeri ehecucucion di un vision durade-
ro y realistico pa logra cu nos lo para
back riba nos pianan. Esaki mester bira
nos vision pa nos sigui lucha pa mayan
bira mihor. Den tempo dificil nos mes-
ter saca e miho di nos mes y laga nos
bira creativo. Speransa ta e ultimo cos
cu nos mester perde.

Empleadonan publico a entrega 12.6%
di nan entrada y por mira cu nan sala-
rio a baha y di otro banda prijs di tur
cos a sigui subi. Esaki ta e causa cu prijs
di transport a subi y cu scarsedad riba
cierto productonan ta hasi cu prijs lo
sigui aumenta. Aruba a drenta su Sta-

tus Aparte cu un solidariteitsbelasting
di 8.2% y entrega di 7 3/4% di salario.
Nos cu a kere den nos isla a lucha duro
y a pone riba pia. Tin parti di entrega
cu nunca a empleadonan publico a lo-
gra haye incorpora den su salario y aki
ta na unda a bin cu atv’s y premies.
Esakinan ta parti di e inhaalmanuoevre
cu empleadonan publico a entrega for
aña 1984 te cu aña 1995 y esnan cu
a baha pensioen nunca a haya parti di
esaki nan den nan salario.

Laga nos sigui lucha y cu confiansa den
Dios nos lo lanta para. Nos futuro ta
den nos man y cu nos creatividad nos lo
trese cambio. Hunto nos lo hasi e diffe-
rencia. Nos di partido Curpa ta desea
nos clase trahado un feliz dia di obrero.