Page 21 - Awe Mainta 30_di_april_di_2022

21|Diasabra, 30 di April 2022
UN SNECHI DI PALABRA DI DIOS

III DIADOMINGO DI RESURECCION 01.05.22 #361

I lectura: Ech 5, 27-32. 40-41 Salmo: 30 II lectura: Rev 5, 11-14 Evangelio: Hn 21, 1-19

Den e tempo aya Hesus a aparece un biaha mas na su disci-
pelnan na lago di Tiberias. Esaki a tuma luga di e siguiente
manera. Simon Pedro, Tomas, yama tambe ‘Morocho’, Na-
tanael di Cana na Galilea, e yiunan di Zebedeo y dos otro
discipel di Hesus tabata hunto. Simon Pedro a bisa e otronan:
“Mi ta bay pisca.” Nan a bis’E: “Nos tambe ta bay pisca hunto
cu bo.” E ora ey nan a bay den nan boto, pero henter anochi
nan no a coge nada. Den kibra di mainta Hesus tabata para
na canto, ma e discipelnan no tabata sa cu t’E. El a bisa nan:
“Mi yiunan, boso no a coge nada di come, no?” Nan a contes-
ta: “Nada!” E ora ey El a bisa nan: “Tira boso reda na banda
drechi di e boto y boso lo coge pisca.” Nan a tira e reda y nan
no por a hal’e aden mas, asina hopi pisca tabatin den dje!
…………………….
Despues Hesus a puntra Simon Pedro: “Simon yiu di Huan,
bo ta stima Mi mas cu tur e otronan aki ta stima Mi?” Pedro
a responde: “Si, Señor, Bo sa cu mi ta stima Bo. Hesus a si-
gui bis’e: “Duna mi lamchinan di come! Hesus a puntra pa
di dos biaha: Simon, yiu di Huan, bo ta stima Mi?” Pedro a
contesta: Si, Señor, Bo sa cu mi ta stima Bo”. E ora ey Hesus a
sigui bis’e: Cuida mi carnenan!” Despues Hesus a puntr’e pa
di tres biaha: “Simon, yiu di Huan, bo ta stima Mi?” Pedro a
bira tristo, pasobra Hesus a puntr’e esey pa di tres biaha. El a
contesta: “Señor Bo sa tur cos; Bo sa cu mi ta stima Bo”. Hesus
a sigui bis’e: “Duna mi carnenan di come! ……….

MENSAHE Palabra di Señor.

Un biaha mas Hesus ta parce na su discipelnan despues di
su resureccion. E encuentro aki ta tuma luga banda di lago
di Toberias. Henter anochi apostelnan tabata pisca, pero sin
efecto. Ora Hesus ta yega cerca nan, E ta puntra nan: ‘boso
no a coge nada di come, no?’ Apostelnan no tin nada pa
ofrece Hesus. Un biaha mas nan ta reconoce cu nan ta hende
debil, pober, pecador. Pero nan pobresa y debilidad ta yuda
nan comprende cu nan tin mester di otro, cu nan tin mester
di Hesus. P’esey tambe den tur humildad nan ta obedec’E ora
Hesus ta propone tira reda un biaha mas. Den efecto nan a
ripara cu obediencia na Hesus pa produci milager. Ruman-
nan! Ban reconoce nos debilidad, pobresa y limitacionnan.
Ban confia y obedec’E Hesus pa nos bida por haya sentido y
felicidad. Loke ta importante pa Dios ta nos amor. E ta pidi
nos stima otro manera E ta stima nos. Amor ta expresa su
mes riba tur cos den obediencia. Esun cu ta stima ta obedece.
Falta di obediencia ta expresion di falta di amor. P’esey tambe
Hesus ta puntra Pedro tres biaha pa su amor. Solamente un ORACION

persona cu ta stima por conta cu n’e. Apesar cu den pasado Señor! Mi ta stima Bo. Aumenta mi amor!
Pedro a faya Hesus, awor tres biaha e ta confirma su amor pa
Señor. Esey tabata suficiente pa Hesus confi’e y pone bou di PROPOSITO

su guia destino di su iglesia. Hesus tambe tin mester di cada Lucha contra tur tentacion di egoismo
un di nos. P’esey E ta puntra nos awe: “Bo ta stima Mi? Mi por y autosuficiencia consciente cu semper
conta cu bo? nos tin mester di Dios y di nos prohimo.