Page 69 - FDLP
P. 69
Selecion di Aruba den pleno preparacion pa nan proximo campeonato a enfrenta Balashi
Premuim cu dos pitcher di refuerso internacional pa lansa contra Selecion. Selecion den
un tanganaso ta gana e promer partido 2 pa 1 den 7 inning. Jair Thompson pa Aruba a
lansa un tremendo partido fahando formalmente contra Andres Castillo pa bay cas cu e
victoria. Selecion di Aruba 2 careda, 3 hit, 0 error y ta laga 4 coredor den circulacion.
Balashi Premuim 1 careda, 1 hit, 2 error y ta laga 3 coredor na base. Mihor bateadornan
pa Selecion ta Jason Orman 3-1, Deyon Peterson y Jomark Flanegin ambos di 2-1.
Pa Balashi Premuim Andres Castillo ta conecta e unico imparable. Den e di dos wega di
anochi e otro pitcher internacional ta “bounce bek” pa pone Balashi briya silinciando e
batenan di Selecion ganando 4-0. Balashi Premuim 4 careda, 3 hit, 2 error. Selecion di
Aruba 0 careda, 2 hit, 2 error di cual un error tabata costoso riba un mal tiro 3 careda a
anota. Jesus Leal Becerra ta bay cas cu e victoria mientras Jomark Flanegin kende ta
drenta den di 4 inning pa releva Giancarlo Gomez ta bay cas cu e derota. Mihor
bateadornan pa Balashi Premuim ta Sandrick Geerman, Gilmar Alders y Maduro a bay di
2-1. Poko poko e campeonato Liga Especial cual tabata entreotro tambe weganan di
preparacion pa Selecion a termina unda Selecion di Aruba ta biahando 1 di Juni pa
Monteria Colombia pa competi den un campeonato cu 11 pais ta participando. Exito na
nos Selecion Nacional.
