Page 77 - FDLP
P. 77
Dialuna ultimo, trahadornan a cuminsa cu nan accion “slow” y pa mustra nan
malcontento no a bisti uniform, sino a bisti na preto como muestra di luto.
Na Fundacion Facilidadnan Deportivo (FFD) e trahadornan ta traha bao di un
malcontento y desmotivacion. Ta hopi keho trahadornan tin.
Na oktober 2016, e trahadornan na FFD ta oficialmente afilia na SEPPA. Y desde e fecha
ey, sucesivamente SEPPA a bin ta trece e preocupacionnan di trahadornan na atencion di
e directiva.
Te cu dia di awe no tin solucion pa e problema cu trahadornan ta trece padilanti. Cada
biaha ta e mesun storia.
Trahadornan a bin ta reclama con den forma dictatorial a cambia nan orario di trabao y
ainda directiva no kier cambia esaki. Awor kier propone orario flexibel a cambio, loke
tampoco e trahadornan ta desea.
