Page 8 - Digicel

34 AWEMainta Diabierna, 12 Februari 2016

SETAR

satisfecho cu
participacion
activo den Aruba
su Carnaval!

DESPUES di un fin di siman grandioso, finalisando

nos Carnaval 62 spectacular, SETAR como un di e spon-
sornan principal di Carnaval tabata presente na tur e
actividadnan y a demostra di tin e fiesta nacional aki
como uno di hopi importancia pa Aruba.

SETAR su acostumbrado flanelnan color blou berde e
aña aki a “Sold Out” hopi trempan, y durante e varios
actividadnan manera eleccionnan di Reina di Carnaval,
Eleccion di Prins cu Panchonan, Festival di Tumba tabata
presente pa entrega regalonan na tur e protagonistanan
aki cu ta haci e Carnaval di Aruba realidad.

Tambe durante e paradanan di tanto San Nicolas como
Playa SETAR a reparti materialnan di SETAR N.V. pa e
pueblo carnavalesco, e. o. pechi, brilnan y cadenanan
colorido.
Durante e Tumba Festival e publico por a anima nan
cantantenan favorito cu e popular LED lights di SETAR
cu a causa un efecto festivo y sublime den e publico.

E “roadpiece” di SETAR a participa den tur 2 e paradan-
an, na unda SETAR a comparti cu e pueblo carnavalesco
e colornan nobo cu ta profilando banda di e logo di
SETAR awo.
SETAR contribuyendo cu e musiconan hoben a sponsor
e steel band cu ta New Generation Steelband Jrs, North
Stars Steelband y tambe Quality Brassband cu a participa
cu e musica original aki den nos Carnaval.

Dialuna, 8 di februari 2016 SETAR tabata presente na
e kimamento di Rey Momo na Carnival Village, na San
Nicolas, unda cu e representantenan di SETAR Andreina
Kock y Clem van Heyningen a haci entrega di e premio
na e ganado di KidzJam 2016 cu a keda den persona di
Ashantee Martus miho conoci como Princess Aphrica cu
e titulo: “Show me wine”.
Ashantee Martus a ricibi un cheque simbolico na un balor
di 1500 florin (un parti di e cen ta bay ta na cadeaubon
di e luga escoge pa e ganado y e restante ta bay ta cash
como ganado absoluto di KidzJam 2016).

SETAR ta sumamente satisfecho cu e reaccion di e pu-
blico en general cu a participa na cada un actividadnan
di Carnaval 62 y asina tambe ta yama danki na cada un
persona cu a bisti e t-shirt di SETAR y ta duna e pueblo
di Aruba un tremendo pabien cu un bunita Carnaval 62.