Page 57 - AHATA

ORANJESTAD(AAN)–Aruba na final di 2019 ta
busca un salida pa su situacion di rehen cu a wordo crea pa e pais cu firmamento di e
acuerdo di Citgo na 2016 dor di gobierno Mike Eman y e regimen di Nicolas Maduro.

Na Aruba, por scucha bos di sindicalistanan den e ruina di un proyecto, cu a nace di
scuridad di cantidad di misterio cu a bira herencia pa e grupo Guaidó.

E posibilidad cu prome cu fin di 2019, Aruba lo logra un acuerdo pa deshaci di e

compromiso cu Citgo cu el a acepta, ta sumamente chikito.

Esaki ta nifica cu Aruba lo drenta 2020 cu Citgo pendiente mientras e pais mester busca
un destino nobo pa e tankinan y si ta posibel tur instalacion di loke tabata e upgrader

(yama na Aruba) refineria hereda di Lago.

Mientras Aruba ta busca un salida pa e situacion di rehen cu ta resultado di e acuerdo,
na Merca e grupo Guaidó ta lucha cu e herencia di Citgo cu el a haci su responsabilidad

despues di e cambionan na Venezuela.

Placa di Citgo ta mara na cadena. Porvenir di Citgo, den man di companianan cu Citgo,
PDVSA y Venezuela debe, ta mara na cadena. Porvenir di e borg cu Rusia tin riba Citgo,

ta mara na cadena. Kico lo pasa na Venezuela, ta otro pregunta mara na cadena.

E magnitud di e problema grandi cu Citgo ta pa Aruba, ta bini dilanti den e realidad mas
grandi di Citgo na Merca, caminda companianan grandi y negociantenan importante, ta

na careda.