Page 25 - AWEMAINTA

Diahuebs, 1 Februari 2018 AWEMainta 25

SRA. FRIDA la ROSA A CELEBRA 40 AÑA

CU ARUBA BEACH CLUB RESORT

DIALUNA, 15 di Januari 2018, Sra. Frida la

Rosa-Farro a cumpli su 40 Aniversario na Aruba
Beach Club Resort. Aruba Beach Club mes, tam-

be recientemente a celebra su 40 aña di existencia
y awor ta Frida, kende ta traha como Laundry

Manager na e prestigioso Timeshare Resort aki,

cual por cierto ta e promer Timeshare Resort na
Aruba y den Caribe.

Frida a cuminsa su carrera laboral na Aruba Beach

Club cu e edad di 21 aña como Laundry Girl. Du-
rante e añanan cu a sigui, Frida a ser promovi pa

Laundry Supervisor y finalmente a keda nombra

como Laundy Manager, posicion cu e ta eherci-
endo desde aña 1990. Frida ta un persona hopi

alegre, amabel, servicial y respetuoso. Semper e
a tuma su trabao na serio y ta cumpli debidam-

ente cu tur su debernan pa e departamento por

corre sin problema. Frida no solamente ta stima
su trabao, pero tambe tur su coleganan, princi-

palmente esnan cu ta traha directamente cun’e.
Frida ta conoci na trabao como e otro mama pa

esnan hoben cu ta cuminsa nan carrera laboral

den e departamento di Laundry. Cu hopi pasen-
shi y cariño, Frida ta instrui nan y duna nan hopi

conseho con pa comporta nan mes y con pa lu-

cha pa bai dilanti, respetando nan mes y otronan.
Gerencia di Aruba Beach Club Resort ta hopi or-

guyoso di Frida y tambe hopi agradecido pa tur

e añanan cu e a dedica na su trabao. Como parti
di e gradicimento aki, Gerencia a treat Frida y su

esposo Jossy cu un dushi cena na Chalet Suisse
y tambe cu un celebracion cu tur su coleganan.

Hunto cu esakinan, Frida a haya un bunita re-

galo, un bouquet di flor y mas cu claro, tambe un
bonus bon mereci. Ta deseo di Gerencia y henter

e personal di Aruba Beach Club Resort, pa Dios
bendiciona Frida cu hopi mas añanan di bida y

salud pa e por sigui comparti cu su famia y cu su

trabao.
Masha danki Frida, pa henter un temporada di

bida entrega na bo trabao!