Page 23 - HOH

Segun director di SVb, Edwin Jacobs, den sector publico tin e prome 24 lunanan

compensacion di 100% di e salario. Despues di 2 pa 3 aña e ta baha na 90 y di 3 pa 4 aña

na 80% y despues di 48 luna por pidi retiro.

Den sector priva, e prome seis simannan ta 100% di cual SVb ta paga 80 y doño di trabao

ta paga 20% supuestamente.

Sa tambe cu sectornan caminda cu no tin bon dunado di trabao, ta 80% so e trahado tin.
Despues di seis siman te cu 24 luna, ta 80%. Despues di 1 aña, ya ta mira e tendencia den

sector priva, nan ta pidi permiso di direccion di labor, pa retiro di e trahado. Si e haya
retiro di e dunado di trabao, e ta pasa pa SVb, cu ta keda pag’e. Pero despues di 2 aña su

AO ta caba.

Tin un discrepancia eynan, segun Jacobs. A mustra tambe cu 4500 ambtenaar ta notifica

42700 biaha pa aña. Mientras cu 33 mil trahado den sector priva, ta haci 55 mil
notificacion di AO. E cantidad di biaha di notificacion ta hopi grandi, di 5.4 den sector

publico, 1.3 den sector priva y bo ta mira tambe di e trahadonan, den e cantidad di

hendenan cu ta notifica AO, cu ta presenta pa control den di dos dia ta un kwart den

sector publico. Mientras cu den sector priva, 40% ta presenta den di tres dia pa control.

Indicadornan ta mustra cu tin un problema di comportacion. Den sector priva, 2.9% ta e

porcentahe di absentismo. Den sector publico, e ta 8.6%. Asina tin e diferente

indicadornan cu ta mustrando cu tin un diferencia entre sector publico y sector priva, cu

ta hopi grandi. Tin biaha sector publico tin un naturalesa diferente. Pero no por hustifica

door di e naturalesa ey e diferencia den e absentismo di sector publico y sector priva.

https://24ora.com/tin-diferencia-grandi-entre-compensacion-di-dianan-di-ao-entre-sector-publico-y-
priva/