Page 68 - DESPA

mucho molester di tur e trabaonan cu tin cu haci. Danki na Baptist, e plan ta cla pa wordo

ehecuta. Nan tin hopi experiencia den esaki, pasobra nan ta continuamente den

renobacion den nan shete hospitalnan na Miami.

Final di e proyecto

Segun dr. Rajnherc, director di Imsan, tin algun departamento cu ta na Imsan caba, cu ta

operacional. Pero cu ta trahando caba 12 pa 13 aña y nunca e departamentonan ey a
wordo construi specificamente pa e specialismonan cu tin eyden. Por ehempel,

departamento di wowo, unda nan ta haci nan policlinica, ta un situacion unda cu a adapta

na e posibilidadnan cu tabata tin. Awor cu ta bay renoba, nan ta bay pone nan na prome

luga, temporariamente, den un otro parti di e edificio cu ta cla caba. No ta ideal, pero nan

ta bay haya espacio suficiente y tur cos ta bay wordo muda den fin di siman, pa ora cu

nan bin dialuna, tur cos ta cla pa ricibi e pashentnan atrobe.

Entre tanto, por drecha, renoba e departamento di wowo manera e ta awo. E ta bay bira

un full moderno state of the art policlinica pa wowo, unda tambe proceduranan chikito,

manera e prik di wowo tambe lo por wordo haci eynan mes.

Na di dos luga, tin departamentonan cu ta eigenlijk casi cla, pero nunca a wordo uza. Ta

pensando por ehempel riba e departamento di sterilisacion, unda tur e instrumentonan cu

ta wordo uza den salanan di operacion, ta bay wordo sterilisa. Esey ta un proyecto basta

chikito y no ta bay stroba ningun hende, pasobra e ta full isola caba.

Di tres, ta por ehempel e departamento di cirugia. Tin tres sala di operacion cu no ta
completa. Ta bay completa nan, un ta bay bira specialisa solamente pa operacion di

wowo y e dos otronan ta pa tur otro sorto di cirugia. Ta papiando den algemene cirugie,