Page 65 - Clippings RIP MR JOSSY MANSUR

Prensa Arubano ta di luto: Periodista Jossy Mansur donjo di
Diario a fayece

Saturday, 15 October 2016 20:12
Comparti

Diasabra mainta e noticia a plama mesora ora cu informacion a drenta cu Jossy Mansur a fayece.
Jossy Mansur ta‎un conocido periodista cu a lanta su corant Diario y pa varios decada ta e corant mas
grandi y mas lesa na Aruba. Jossy Mansur ta casa di Nuhad Mansur y tin cuater yiu. Pa algun tempo caba
Jossy Mansur a recupera basta di e malesa di cancer. Varios biaha el a bay den exterior pa su salud y
tabata sinti su mes hopi bon despues di e tratamentonan na Colombia. E tabata bon bon na tino y ainda
tabata scirbi su editorial ultimo simannan. Ultimo dos anjanan e yiunan a tuma over corant y su yiu
Jossito Mansur tabata na cabez den nomber di e famia. Apart di e trayectoria como periodista, Jossy
Mansur a scirbi varios buki. Tambe e ta e autor di e diccionario na papiamento. Cu e perdida di Jossy
Mansur sigur Aruba a perde un baluarte importante den Aruba su historia. E tabata fuerte riba e areanan
di politica cu su opinion cla y raspa. A pasa den batayanan politico hopi fuerte como periodista sin cu
nunca el a sucumbi pa cualkier menaza di cualkier gobernante of gobierno. Cu Jossy Mansur sosega na
pas y hopi forsa na e famia.