Page 25 - MIN ARENDS 16 JUNE 2017

MINISTER BERMUDEZ A FIRMA PROTOCOL

PA OTORGAMENTO DI PERMISO

16/06/2017 Admin Uncategorized Leave a comment

ORANJESTAD – Diahuebs mainta ultimo Minister Bermudez a firma un convenio
importante unda cu Gobierno di Aruba, CITGO y demas departamentonan di
gobierno concerni manera Directie Arbeid en Onderzoek (DAO) y Departamento
di Progreso Laboral (DPL) pa un procedura diligente di otorgamento di permiso
di trabou temporal durante e proyecto di rehabilitacion di e refineria.

E idea tras di e protocol aki ta pa establece un procedura transparente structura,
organisa y di manera eficiente pa e permisonan necesario por wordo otorga
dentro un termino stipula.

E mandatario a splica cu den e protocol tambe tin un cantidad limita menciona di
asina yama ‘key positions’ cual tambe ta conta cu e procedura acelera pa
permiso di trabou. Finalmente; den caso di e contratistanan tambe tin cierto
quota cu ta na vigor, sin embargo esakinan ta depende di e largura di e proyecto
pa cual nan wordo contrata.

Na mes momento tambe a firma un convenio pa cu Departamento di Aduana, pa
ora di importacion di material y ekipo pa e proyecto.

Cu e establecimento di e protocolnan aki, asina cu e proyecto cuminsa lo opera
den ‘full shift’ es decir 24/7. “E parti di e forsa laboral cu tin mester, mester ta
presente, mescos cu e material y ekipo, dunando sosten legal logistico pa e
proyecto aki por continua sin disrupcion.

Minister Bermudez a indica finalmente cu e ta evaluando pa cera tipo di protocol
asina cay tambe cu otro doñonan di trabou grandi, manera hotel etc. pa
establece pa nan tambe un procedura transparente, structura, organisa y di
manera eficiente pa e permisonan necesario.