Page 23 - FDLP

E competencia lo cuminsa y caba na Sero Colarado. E competencia aki t’e traditional
careda di ciclismo di Ruta di Dia Nacional 18 di maart. Lo tin categoria mayor y menor
participando riba e dia aki.

Careda ta cuminsa 6or y mey di mainta na Sero Colorado y for di 5.45 di mainta
ciclistanan lo mester pasa registra n’e mesa di registracion, p’asina start e careda, segun e
orario stipula.

Lo tin varios ciclista den diferente categoria cu lo bataya contra otro riba e ruta.

Categorianan menor lo competi riba e ruta chikito den area di Sero Colorado, Colony.

Pa cu e categoria mayor nos tin cu menciona cu e ruta lo ta uno desafiante p’e coredornan
den categorianan manera Elite, Junior, Master y Women Open.

AWB ta invita tur ciclista pa pasa inscribi na Tribike, Tech Shack y tambe riba e anochi
di inscripcion, diasabra 14 di maart entre 6:30pm – 9:00 pm na YMCA Dakota &
YMCA San Nicolas.

Alabez ta manda un cordial invitacion pa comunidad di Aruba pa bin apoya nos
ciclistanan y presencia un careda desafiante yena di adrenalina.

Por ultimo ta informa cu seguridad di nos ciclistanan y boluntarionan ta na prome lugar y
den conexion cu esaki nos ta pidi cooperacion di tur automobilista pa tene cuenta cu e
ciclistanan y boluntarionan cu lo ta riba e ruta di Colony, San Nicolas, St Cruz,
Macuarima, Cobalodo, Piedra Plat, Bloemond, Jaburibari, Calabas, Kudawecha y Arashi.