Page 32 - 20Jan2022
P. 32
PAGINA 32 DIARIO DIAHUEBS 20 JANUARI 2022
Ta bon tempo pa tuma booster shot mirando cu no tin rijnan largo
ORANJESTAD (AAN): Dunamento di e booster shot ta
sigui na Centro Libertador Betico Croes na Santa Cruz
y por mira cu e dianan aki no tin rijnan largo di hende ta
warda pa tuma e di 3 vacuna.
Ta bon pa mas hende posibel tuma e vacuna y apesar di
e hecho cu e sport hall no ta yena cu hende ta tumando e
booster, e parti positivo ta cu tur dia hendenan ta presen-
ta pa wordo vacuna, tanto adultonan hoben, como tambe
hendenan mas grandi di edad.
Como cu no ta demasiado druk na Centro Libertador
Betico Croes, ta menos molester pa hende bay tuma e
vacuna, como cu actualmente nan lo no perde mucho
tempo.
Actualmente e parti mas largo cu un persona tin cu war-
da ta ora cu despues di tuma e vacuna e tin cu warda por
lo menos 15 minuut, pa sigura cu e no sufri ningun tipo
di complicacion.
Specialmente rond di merdia DIARIO nota cu no tin un
cantidad grandi di hende den e centro deportivo wardan-
do pa wordo vacuna.
