Page 18 - AHATA

Mas turista Hulandes a bishita Aruba

den 2019 compara cu 2018

Posted on 11/28/2019 10:44 am AST | Updated on 11/28/2019 10:45 am AST

ORANJESTAD / AMSTERDAM – E cantidad di anochi cu e turista Hulandes ta keda
Aruba, a aumenta cu 20.8% compara cu aña pasa. Hulandesnan a keda 274.337 anochi
riba Aruba entre januari y juni 2019. Cu un cantidad asina halto, Hulanda ta na di dos
lugar awor, despues di Merca cu casi 3 miyon ‘overnights’ y Canada cu ta na di tres lugar
cu 252.222 ‘overnights’. Asina e portal Travel Pro ta cita Aruba Tourism Authority. E
cantidad di bishita di Hulandes pa Aruba na juni a yega e cantidad record di 21.741. E
aumento di turismo for di Hulanda a aumenta cu 13% segun e investigacion di ATA.
Fuera di Hulanda, Aruba ta keda un destinacion popular cu un aumento di 6.5% di
bishitantenan total pa prome mitar di 2019, cu 575.694 . Segun e portal Lonely Planet,
Aruba ta den top 10 di destinacionan pa 2020 y ta na di 4 lugar.