Page 2 - HOH_Neat

DIABIERNA 30 DECEMBER 2022 DIARIO PAGINA 9

Mayornan tin di keda

mantene supervision

ora Muchanan ta

tirando klapchi

ORANJESTAD(AAN): Tur cos ta mustra cu awe
Diabierna 30 di December, y Diasabra 31 di Decem-
ber, lo tin mas hende ta acudi pa cumpra klapchi.
Den e temporada aki, awa ta bezig ta cay cu e
yerbanan ta bezig ta crece. Esey ta bon pa mantene
rond di e cura limpi, pa si algo mester pasa den e
temporada di vuurwerk, si un candela mester cum-
insa den yerba, e no menaza bo cas of menaza cas di
otro hende den vecindario.
Percura pa tene cuenta cu ora tira vuurwerk, pa
tene cuenta cu esaki pa haci’e na un manera hopi
responsabel. Si bo tin den bo cura, parti di e gazebo
cu palapa riba dje, corda treat’e pa nada no pasa cu
si vuurwerk cay riba dje, e no pega candela.
Tene cuenta cu mucha, ora di bay cumpra klapchi.
Corda cu muchanan bao di 16 aña no mag di bay
cumpra na e containernan. Tene cuenta cu e mayor-
nan mester tey.
Muchanan cu bay tira vuurwerk, percura pa nan
ta bao di supervision di nan mayornan, pa evita cu
tin incidente.
Tur lugar di bende vuurwerk, mester tin un Fire
Extinguisher poni na un lugar visible, y e bendedor-
nan tin di mantene nan mes na e maneho di vuur-
werk, pa asina tur hende por goza un fin di aña con-
tento den famia cu hopi alegria.
Bendedornan di clapchi sa di antemano cu tin hopi
regla estricto impone riba nan, y cualkier violacion
di esaki lo por pone nan perde permiso di sigui
bende.
Den pasado, varios rebendedor di klapchi a perde
nan vergunning debi cu a kibra regla.
E speranza ta cu tur hende atene nan mes na regla,
duna cooperacion, y evita di dal vuurwerk den oran-
an laat di marduga.